Routine health check

我昨天終於找了醫生去做了一次routine health check. 其實沒有什麼大不了的, 都只是給醫生看一看, 問一些問題, 就完事了.

做health check 的時候, 真的感到自己英文水平有問題. 當醫生問我你有無打過D 乜乜乜針, 食D 乜乜乜藥, 家族有無乜乜乜病例....0個D 乜乜乜, 十個有九個字都唔知佢講乜, 到你問佢係咩黎, 佢又會用番D 醫科字黎解釋...唉, 我又點會明0Y. 睇我個樣咁迷惘就知我唔係醫科學生啦!

最好笑係我同佢講, 想照下X 光, 佢就不停咁同我講話唔駛照喇, 你無野喎. 我話想驗下HIV, 佢就好鬼緊張咁問我點解要驗呀, 有咩問題呀. 我話無呀, 得個知字0者. 佢就好神秘咁同我講, "如果要驗, 就出去front desk 度make 個appointment, 20 分鐘就得, 唔好講話係for 咩喎!!" 我心諗, 點解要咁鬼神秘0既?

到最後, 因為我差不多25 歲, 和沒有Immunization record 的關係, 他便給我打了一枝 Tetanus and Diphtheria booster (好似係破傷風針), 同抽左我四支血喇. 所以我今日兩隻手都又痛又脾...想死...

本來痛下無乜野0者. 我頂得住, 點知到夜晚, 同小肥肥講話好tired, 到上床訓覺後, 問題便開始來了.

我 開始發冷, 個頭又好似發熱, 我著住jacket 上床訓都覺得好鬼凍...所以我最後都係起身, 沖左個熱水涼, 個人就起碼唔凍先. 再搵左D Panadol 食, 至可以訓得到覺...但係訓到4 am, 又唔掂, 我又再食panadol. 訓到10 點, 成個人就好似散左咁, 周身痛, 總之好唔掂...唉, 點解我可以由無病去睇醫生, 睇到有病返黎架?!